“British Airways” şokda: 380 min sərnişinin kredit kartı oğurlandı!

İngilis hava yolu şirkəti “British Airways” sistemlərinə daxil olmuş hakerlərin 380 min nəfər sərnişinin kredit kartı məlumatlarını oğurladığını açıqlayıb.

AzNews.az “Hürriyet”ə istinadən xəbər verir ki, 21 avqust - 5 sentyabr aralığında internetdən bilet almış 380 min nəfərin kredit kartı bilgilərinin ələ keçirildiyi bildirilib.

Şirkətdən verilən məlumata görə, sistemdəki boşluq aradan qaldırılıb.

İstifadəçilərin səyahətləri ilə bağlı nüanslar və pasport məlumatlarına ziyan gəlmədiyini açıqlamış “British Airways” hadisənin ədliyyəyə bildirildiyini qeyd edib.

Nurlan AĞA
AzNews.az