Hacıbala Abutalıbovdan kitab yarmarkaları ilə bağlı – QƏRAR (FOTOLAR)

24 İyul 2014 11:39 (UTC+04:00)

26-29 iyul tarixlərində Bakı şəhər İcra Hakimiyyətinin razılığı ilə QANUN Nəşrlər Evinin endirimli kitab yarmarkası keçiriləcək.

AzNews.az-a daxil olan məlumata görə, yarmarka iki ünvanda – Hüseyn Cavid və Zabitlər parklarında baş tutacaq.

Yarmarkalarda 500 addan çox, 10 minə yaxın kitab sərgilənəcək, kitab kataloqları paylanılacaq. Saat 09:00-dan 21:00-a dək davam edən yarmarkada ən müxtəlif kitablar – dünya klassik ədəbiyyatı, müasir dövrün tanınmış yazıçılarının, biznes və özünüinkişafa aid, uşaq ədəbiyyatı- nağıllar, ensiklopediyalar, boylamalar, eləcə də Azərbaycan yazarlarının kitabları sərgilənəcək. Kitab yarmarkasının keçirilməsində məqsəd yeni kitabları tanıtmaq, insanları kitaba cəlb etmək, oxucularla kitab mədəniyyəti arasında körpü yaratmaqdır.

AzNews.az