Bakıda ağır yol qəzası - 1 yaralı


Bakı şəhəri, Xətai rayonunda ağır yol nəqliyyat hadisəsi baş verib.

AzNews.az-ın məlumatına görə, bu gün saat 22:30 radələrində "Ukrayna dairəsi" kimi tanınan ərazidə 99-CG-649 dövlət nömrə nişanlı " Mersedes" markalı avtomobil yolu keçmək istəyən orta yaşlı, hələlik şəxsiyyəti məlum olmayan bir qadını vurub.
Hadisə nəticəsində piyada ağır xəsarət alıb və təcili tibbi yardımla xəstəxanaya yerləşdirilib. Yol nəqliyyat hadisəsi nəticəsində ərazidə böyük tıxac yaranıb.
Hadisənin baş vermə səbəbləri araşdırılır.

Məhəmməd
AzNews.az