Lənkəranda bədbəxt hadisə: 13 yaşlı uşaq dənizdə boğuldu

Lənkəranda 13 yaşlı uşaq dənizdə batıb.

AzNews.az-ın Fövqəladə Hallar Nazirliyinin (FHN) saytına istinadən verdiyi məlumata görə, hadisə bu gün baş verib.

2001-ci il təvəllüdlü Rizvan Sevdim oğlu Məcidov dənizdə çimərkən boğulub. Dərhal Fövqəladə Hallar Nazirliyinin müvafiq xilasetmə qüvvələri hadisə yerinə cəlb olunub.

R. Məcidovun cəsədi batdığı yerdən 150 metr aralıda xilasedicilər tərəfindən tapılaraq sudan çıxarılıb və aidiyyəti üzrə təhvil verilib.