Liu Tszyançao: Çin və Azərbaycan əməkdaşlıq potensialını üzə çıxarmalıdır

Çin və Azərbaycan ikitərəfli əməkdaşlıq potensialını tam şəkildə üzə çıxarmalıdır.

Aznews.az xəbər verir ki, bunu Çin Kommunist Partiyası Mərkəzi Komitəsinin üzvü, Beynəlxalq əlaqələr şöbəsinin müdiri Lyu Tszyançao bu gün Bakıda keçirilən “Azərbaycan – Çin strateji tərəfdaşlığı: Qlobal Cənubda konsolidasiya və əməkdaşlığın təşviqi” mövzusunda konfransda bildirib.

"Əməkdaşlıqdan gözləntilərimiz hələ də reallığa tam uyğun deyil. Bu kontekstdə iki ölkənin liderləri - Si Cinpin və İlham Əliyev - keçən il münasibətlərimizi strateji əməkdaşlıq səviyyəsinə qaldırdılar. Bu, o deməkdir ki, hökumət, partiya və regionlar konkret layihələr və yol xəritələri hazırlayaraq liderlərin planlarının həyata keçirilməsinə töhfə verməlidir", - o qeyd edib.