Azərbaycan, Türkiyə, Gürcüstan parlamentarilərinin növbəti iclasının Suxumidə keçirilməsi təklif edilib

Bu təkliflə Gürcüstan parlamentinin xarici əlaqələr komitəsinin sədri çıxış edib

Azərbaycan, Türkiyə və Gürcüstan parlamentlərinin xarici əlaqələr komitələrinin növbəti iclasının Gürcüstanın Suxumi şəhərində keçirilməsi təklif edilib.

Aznews.az xəbər verir ki, bu təkliflə Gürcüstan parlamentinin xarici əlaqələr komitəsinin sədri Nikoloz Samxaradze komitələrinin Şuşa şəhərində keçirilən VII üçtərəfli iclasında çıxış edib.

O təklif edib ki, Azərbaycan, Türkiyə və Gürcüstan parlamentlərinin xarici əlaqələr komitələrinin növbəti iclası gələn il Suxumi şəhərində keçirilsin.

Qeyd edək ki, bu gün Azərbaycan, Türkiyə və Gürcüstan parlamentlərinin xarici əlaqələr komitələri Şuşa şəhərində VII üçtərəfli iclas keçiriblər. Toplantıda hər üç ölkənin parlamentləri arasında münasibətlərin daha da dərinləşdirilməsi və digər məsələlər ətrafında fikir mübadiləsi aparılıb.