- Ermənistan və Gürcüstan
- 27 Fevral 12:52
- 3 670
Simonyan: "Azərbaycan və Türkiyə ilə dinc yanaşı yaşamağın əleyhinə deyiləm"
![](https://www.aznews.az/storage/2024/02/27/050a65c6-10a2-36de-ab52-8fb74ef59b5f_850.jpg)
Azərbaycan və Türkiyə ilə dinc yanaşı yaşamağın əleyhinə deyiləm.
“Report” “Aysor”a istinadən xəbər verir ki, bunu Ermənistan parlamentinin sədri Alen Simonyan fevralın 27-də jurnalistlər qarşısında çıxışı zamanı bildirib.
“Kimin başqa variantı varsa, onu dinləməyə hazıram”, - o vurğulayıb.
Parlament sədri qeyd edib ki, Ermənistanla Azərbaycan arasında münasibətlərdə irəliləyiş var.
Alen Simonyan jurnalistlərə açıqlamasında Rusiya hərbçilərinin İrəvanda Zvartnots hava limanından çıxmasına da münasibət bildirib. O deyib ki, rusiyalı hərbçilərin aeroportdan getməsi daha doğru addım olar. A.Simonyan Ermənistanın sərhədlərini qoruya biləcəklərinə əmin olduğunu da vurğulayıb.
Qeyd edək ki, fevralın 28-29-da Azərbaycanın xarici işlər naziri Ceyhun Bayramovla ermənistanlı həmkarı Ararat Mirzoyan arasında Berlində görüş keçiriləcək.