Mixail Kavelaşvili Gürcüstan prezidenti vəzifəsinə başlayıb

Dekabrın 29-da Gürcüstanın yeni prezidenti Mixeil Kavelaşvilinin andiçmə mərasimi keçirilib. O, and içərək vəzifəsinin icrasına başlayıb.

Gürcüstan parlamentinin spikeri Şalva Papuaşvili bildirib ki, Gürcüstanın əvvəlki prezidenti Salome Zurabişvilinin onu tərk etməkdən imtina etməsinə baxmayaraq, Kavelaşvili ölkə prezidentinin iqamətgahında vəzifəsinin icrasına başlayacaq.

Zurabişvili prezident iqamətgahını tərk edərək toplaşan tərəfdarların qarşısına çıxıb və onlara planları barədə danışacağını vəd edib. O, yeni parlament seçkilərinin təyin edilməsi üçün mübarizə aparacağını bildirib. Gürcüstanın eks-prezidenti hələ də ölkənin yeni liderini tanımır.