- Paytaxt
- 24 Noyabr 2021 17:16
- 4 934
Ceyhun Bayramov Mixail Şvıdkoyla görüşüb
![](https://www.aznews.az/storage/2021/11/24/95d3c9e7-e522-38c4-b1eb-e7e2766a2ff5_850.jpg)
XİN məlumat yayıb
Noyabrın 24-də xarici işlər naziri Ceyhun Bayramov Rusiya Prezidentinin beynəlxalq mədəniyyət əməkdaşlığı üzrə xüsusi nümayəndəsi Mixail Şvıdkoyla görüşüb.
Bu barədə Xarici İşlər Nazirliyindən məlumat verilib.
Görüşdə tərəflər Azərbaycan və Rusiya əməkdaşlıq gündəliyinin humanitar və mədəniyyət sahəsində əməkdaşlıq məsələləri üzrə fikir mübadiləsi aparıblar.
Gələn il iki ölkə arasında diplomatik münasibətlərin qurulmasının 30 illiyinin qeyd ediləcəyi diqqətə alınaraq, bu xüsusda müvafiq tədbirlərin həyata keçirilməsinin əhəmiyyəti vurğulanıb.
Tərəflər, həmçinin regional məsələlər və qarşılıqlı maraq doğuran digər məsələlər ətrafında fikir mübadiləsi aparıblar.