Azərbaycanlılar arasında da katolik olanlar var- EKSKLÜZIV

Azərbaycanda hazırda 500-ə yaxın katolik yaşayır. Bu barədə məlumatı AzNews.az-a Roma katolik kilsəsinin Azərbaycandakı ordinarisi Vladimir Fekete bildirib.

Onun sözlərinə görə, Azərbaycanda son zamanlar xüsusən Fillipindən gələnlərin hesabına katoliklərin sayı artıb. Ordinari eyni zamanda azərbaycanlılar arasında da katolik dinini qəbul edənlərin olduğunu qeyd edib.

Bu sayın nə qədər olduğunu tam dəqiqliklə açıqlamayan Roma katolik kilsəsinin nümayəndəsi belə şəxslərin əsasən qarışıq ailələrin nümayəndələri olduğunu vurğulayıb: "Elələri var ki, atası azərbaycanlı, ana məsələn ukraynalıdır. Belə ailələrin bəzi nümayəndələri katolik olur".

Elnarə Əlosmanqızı

AzNews.az