- Köhnə - Cəmiyyət
- 4 Aprel 2014 14:51
- 1 798
Kamal Abdulla Dini Komitənin kollektivi ilə görüşdü
![](https://www.aznews.az/storage/photos/kamal abdulla cvb vermtfhd.jpg)
DQİDK-nın mətbuat xidmətindən verilən məlumata görə, müşavirəni açan Dövlət Komitəsinin sədri Elşad İskəndərov Azərbaycan Prezidenti İlham Əliyevin sərəncamına uyğun yaradılmış yeni xidmətin Azərbaycan dövlətinin başçısının dövlət-din münasibətlərinə, milli-mənəvi dəyərlərimizin inkişafına qayğısının bariz rəmzi olduğunu bildirib, bu sahədə fəaliyyət göstərən Dövlət Komitəsinin işinin məsuliyyətinin də artdığını bildirib.
Daha sonra dövlət müşavirinə DQİDK-nın fəaliyyəti, aparılan işlər və planlar barədə ətraflı məlumat verilib.
Görüşdə çıxış edən K.Abdulla ölkə Prezidenti İlham Əliyevin müvafiq sahə ilə, həmçinin yeni xidmətlə bağlı qarşıya qoyduğu məqsəd və vəzifələr haqqında danışıb, dövlət-din münasibətləri, tolerantlıq sahəsində Dövlət Komitəsinin həyata keçirdiyi fəaliyyət və layihələrlə bağlı fikirlərini bildirib, sözügedən vəzifələrdən irəli gələn vahid konsepsiya və fəaliyyət planı əsasında DQİDK ilə birlikdə görüləcək işlərdən bəhs edib.
Görüş zamanı gələcəkdə həyata keçiriləcək konkret layihələr müəyyənləşdirilərək onların ətrafında fikir mübadiləsi də aparılıb.
AzNews.az