Baş Prokurorluq narazı sakinlərin müraciətini cavablandırdı

Azərbaycan Respublikası Baş Prokurorluğu Xətai rayonu, Cavanşir 38 ünvanında qəzalı vəziyyətdə olan 4 saylı yataqxananın sakinlərinin müraciətini cavablandırıb. Prokurorluğun ərizə və şikayətlərin qəbulu şöbəsinin rəis müavini, kiçik ədliyyə müşaviri Mübriz Əhmədovun imzası ilə sakinlərə cavab məktubu göndərilib.

Sakinlərdən Hafiz Xanquliyevin AzNews.az-a verdiyi məlumata görə, cavab məktubunda müraciətin baxılması üçün Fövəladə Hallar Nazirliyinə göndərildiyi vurğulanıb: "Yəqin ki, müraciət binanın qəzalı vəziyyətdə olması ilə əlaqədar yoxlama aparılması üçün Fövqəladə Hallar Nazirliyinə göndərilib.

Amma bizi maraqlandıran məsələ "Ümid" MTK-nın 159 ailə üçün nəzərdə tutulan torpaq sahəsində tikdiyi binaya ancaq 80 ailəninin köçürülməsi, 79 ailənin köçürülməsinin isə illərdir ki, yubadılmasının səbəbləridir".

Məlumat üçün bildirək ki, sakinlər prokurorluğa müraciətlərində məsələ ilə bağlı araşdırmaya ehtiyac olduğunu vurğulamışdılar.

E.Əlosmanqızı
AzNews.az