Yumurta qabığından enerji alınacaq

Bu kəşf beynəlxalq araşdırma qrupu tərəfindən edilib.

Elm adamları yumurta qabığından enerji almağı bacarıblar.

AzNews.az xəbər verir ki, bioloji tullantı olan toyuq yumurtası qabıqlarının enerji toplanmasında istifadə edilə biləcəyi elm adamları tərəfindən sübut olunub.

Bu kəşf Karlsure İnsitutunun da daxil olduğu beynəlxalq araşdırma qrupu tərəfindən edilib.

Toyuq yumurtası qida, dərman sənayesində dünyada yüksək miqdarda istifadə edilməkdədir. Bu səbəbdən də, yumurta qabıqları bioloji tullantı olaraq atılır. Halbuki, bu qabıqların tərkibində kalsium-karbonat birləşmələri və protein vardır.

Karlsure Texnoloji İnstitunun professoru Maksimilyan Fiştner bildirib ki, təəccüblü olsa da, təbii maddələrin elektrokimyəvi toplanma sistemlərinə vasitə istehsal etməkdə səmərəli olduğunu göstərən çox sayda nümunələr vardır.

Bu araşdırma nəticəsində dünyada ilk dəfə olaraq bioloji bir tullantı elektrod olaraq istifadə ediləcək.

Cavidan Mirzəzadə

AzNews.az