Bu futbolçu daha "Qarabağ"da oynamayacaq - TRANSFER

“Qarabağ” Julio Romao ilə yollarını ayırıb.

Bu barədə Ağdam təmsilçisinin mətbuat xidməti məlumat yayıb.

26 yaşlı braziliyalı yarımmüdafiəçi ilə müqaviləyə qarşılıqlı razılaşma ilə xitam verilib.

2022-ci ildən "köhlən atlar"da çıxış edən Romao 120 oyunda 2 qol vurub. O, 2022/2023 və 2023/2024 mövsümlərində Azərbaycan çempionu, 2023/2024 mövsümündə ölkə kubokunun qalibi olub.

Qeyd edək ki, “Qarabağ”dan ayrılan Romao Macarıstanın "Ferentsvaroş" klubuna keçib.

AzNews.az