- Köhnə - Hadisə
- 18 Noyabr 2013 10:59
- 3 484
Bakıda sərnişin avtobusu qəza törətdi: ölən var
![](https://www.aznews.az/storage/photos/piyada oldu.jpg)
Abşeron Rayon Polis Şöbəsindən APA-ya verilən məlumata görə, yol-nəqliyyat hadisəsi Kürdəxanı-Zabrat avtomobil yolunun Məhəmmədi qəsəbəsindən keçən hissəsində qeydə alınıb. Hikmət Rasim oğlu Hüseynovun idarə etdiyi "10-TR-228" dövlət nömrəli 173 saylı xətt üzrə hərəkət edən "Daewoo" markalı sərnişin avtobusu yolu keçən piyada, 1976-cı il təvəllüdlü Vüqar Teymur oğlu Fərəcovu vurub. Piyada hadisə yerində dünyasını dəyişib.
Faktla bağlı Cinayət Məcəlləsinin 263.2(yol hərəkəti və nəqliyyat vasitələrinin istismarı qaydalarını pozma) maddəsi ilə cinayət işi açılıb və sürücü saxlanılıb.
AzNews.az