Xaçmazda 28 yaşlı gənc öldürüldü

Xaçmaz rayonunda qətl hadisəsi baş verib.

AzNews.az Apa-ya istinadən xəbər verir ki, hadisə rayonun Qusarçay kəndində qeydə alınıb.

Kənd sakini, 1986-cı il təvəllüdlü Xeyrullayev Rüfət İlham oğlu toyda dayısı oğlu, 1982-ci il təvəllüdlü Saleh Hacıyevlə mübahisə edib. S. Hacıyev bibisi oğlunu pilləkandan itələyib. Xəsarət alan R. Xeyrullayev evə qayıtdıqdan sonra ölüb.

Faktla bağlı Xaçmaz rayon Prokurorluğunda cinayət işi açılıb, araşdırma aparılır.