Bakıda iki məktəbli yoxa çıxdı

Bakı şəhərində iki məktəbli yoxa çıxıb.

Xətai rayonu ərazisində yerləşən Zakir Əhmədov adına 64 saylı orta məktəbin 4-cü sinif şagirdləri, 9 yaşlı Aysu Həsənova və onun xalası oğlu İlqar Bağırov dərsdən evə qayıtmayıblar.

Xətai Rayon Polis İdarəsindən Milli.Az-a verilən məlumata görə, 9 yaşlı A.Həsənovanın atası polisə ərizə yazaraq qızının və onunla bir sinifdə oxuyan baldızı oğlunun yoxa çıxmasını bildirib. Hazırda həmin uşaqların tapılması istiqamətində axtarış aparılır.