Bakıda 3 piyada vuruldu - 1 ölü

Aprelin 29-da saat 17 radələrində Səbail rayonunun Q.Abbasov küçəsində müəyyən edilməmiş avtomobillə yolu keçən Bakı şəhər sakini Sevinc Əfəndiyeva vurulub.

AZNEWS.AZ xəbər verir ki, bu haqda məlumatı Daxili İşlər Nazirliyinin mətbuat xidməti yayıb.

S.Əfəndiyeva xəstəxanaya müraciət etməyib. Səbail RPİ tərəfindən əməliyyat-axtarış tədbirləri aparılır.

***

Aprelin 28-də saat 22 radələrində Sabunçu rayonunun Kürdəxanı qəsəbəsində müəyyən edilməmiş avtomobillə yolu keçən Bakı şəhər sakini Tahir Sadıqov vurulub. T.Sadıqov xəstəxanaya yerləşdirilib. Sabunçu RPİ tərəfindən əməliyyat-axtarış tədbirləri aparılır.

***

Aprelin 29-da saat 17 radələrində Nəsimi rayonunun Azadlıq prospektində Gəncə şəhər sakini Seymur Atayev idarə etdiyi "Karsan" markalı avtomobillə yolu keçən Bakı şəhər sakini Murad Məmmədovu vurub. Xəstəxanaya yerləşdirilmiş M.Məmmədov orada ölüb. Nəsimi RPİ tərəfindən araşdırma aparılır.