Elnur Soltanov: “Azərbaycanda karbon emissiyasının 70 %-i enerji sektorunun payına düşür”

Azərbaycanda ətraf mühitə emissiya edilən istilik effekti yaradan qaz tullantılarının 70 % -i enerji sektorunun payına düşür.

Bunu energetika nazirinin müavini, BMT-nin İqlim Dəyişikliyi üzrə Çərçivə Konvensiyasının Tərəflər Konfransının 29-cu sessiyasının (COP29) baş icraçı direktoru Elnur Soltanov "Bakı İqlim Fəaliyyəti Həftəsi"ndə deyib.

Onun sözlərinə görə, bura kənd təsərrüfatına daxil olan traktor, maşınlar, avtomobillər də daxildir: "Enerji sektorunda Azərbaycan səmərəli tədbirlər həyata keçirir. Biz bütün SSRİ-dən qalma infrastrukturunun yığışdırıb, müasir zavod və stansiyalarla əvəz edirik. Artıq təkcə qazla yox, bərpaolunan enerji ilə işləyən enerji stansiyaları qururuq".