“Böyük Bakı“nın inkişaf planı noyabrda qəbul ediləcək

"Böyük Bakı"nın 2030-cu ilədək inkişafı planı konsepsiyası noyabrda qəbul ediləcək. Trend-in məlumatına görə, bu barədə çərşənbə axşamı jurnalistlərə Dövlət Şəhərsalma və Arxitektura Komitəsinin Beynəlxalq əlaqələr və informasiya şöbəsinin müdiri Cahangir Qocayev bildirib.

"Konsepsiya artıq hazırdır, hazırda müvafiq strukturlarla razılaşdırma prosesi gedir. Konsepsiya bu ayın sonu - gələn ayın əvvəlində razılaşdırılacaq", - Qocayev qeyd edib. Onun sözlərinə görə, plan üzərində tam iş gələn ilin ortalarında başa çatacaq.

AzNews.az