23 saylı Nəsimi-Səbail seçki dairəsi üzrə məntəqə sədri: Səhər saatlarından seçici fəallığı var

23 saylı Nəsimi-Səbail seçki dairəsinin 13 saylı seçki məntəqəsində ümumilikdə 1434 nəfər seçici var.

Bunu “Report”a açıqlamasında məntəqənin sədri Jalə Zeynalova deyib.

Onun sözlərinə görə, məntəqə 1 362 bülleten alıb: “On nəfər isə evdə səsvermə prosesində iştirak edəcək”.

Dairə üzrə 34 namizədin olduğunu deyən J.Zeynalova səhər saatlarından seçici fəallığının olduğunu da diqqətə çatdırıb.

Qeyd edək ki, səsvermə saat 19:00-a qədər davam edəcək.

Seçkilər ölkə ərazisindəki 118 seçki dairəsini əhatə edən 5 min 846 məntəqədə keçirilir. 685 bələdiyyənin 8 min 71 üzvü üçün 16 min 92 namizəd mübarizə aparır.

Mərkəzi Seçki Komissiyasının (MSK) məlumatına əsasən, bələdiyyə seçkilərində səsvermə hüququ olan 5 milyon 961 min 987 seçici var.

AzNews.az