- Rusiya və İran
- 1 Aprel 21:50
- 4 029
Səfir: İsrailin zərbəsi nəticəsində bir neçə iranlı diplomat ölüb
![](https://www.aznews.az/storage/2024/04/01/660aefdea71f9660aefdea71fa1711992798660aefdea71f7660aefdea71f8.jpg)
"Hücumda bir neçə iranlı diplomat və hərbi müşavir həlak olub. Onların adları daha sonra açıqlanacaq".
Aznews.az xəbər verir ki, bu barədə İranın Suriyadakı səfiri Hüseyn Əkbəri bildirib.
Onun sözlərinə görə, "İsrailin bu hərəkəti İranın qəti cavabı ilə nəticələnəcək".
"Hələlik dağıntıların tam təmizlənməsi aparılmayıb və 5-7 nəfərin öldüyünü düşünürük. Dəqiq rəqəmlər daha sonra açıqlanacaq", - deyə o bildirib.
Diplomat qeyd edib ki, iki polis də öldürülüb, hazırda adları açıqlanmayıb.
İran Xarici İşlər Nazirliyinin məlumatına görə, nazir Hüseyn Əmir Abdullahian suriyalı həmkarı ilə telefon danışığında deyib ki, İranın Dəməşqdəki səfirliyinin konsulluq binasına edilən hücuma görə bütün məsuliyyət İsrailin üzərinə düşür.