- Rusiya və İran
- 13 May 20:57
- 4 179
İran XİN: İranın nüvə doktrinasında heç bir dəyişiklik olmayıb
![](https://www.aznews.az/storage/2023/02/20/iran-nukleer-reu-1889436_2.jpg)
İran Xarici İşlər Nazirliyinin sözçüsü Nasser Kenani son həftələrdə ölkədə nüvə silahının qadağan edilməsi ilə bağlı strategiyanın dəyişdirilə biləcəyi ilə bağlı artan ritorikadan sonra İranın bu məsələ ilə bağlı doktrinasının dəyişmədiyini bildirib.
Kenani Tehran Beynəlxalq Kitab Sərgisinin konfrans zalında mətbuat konfransı keçirərək, ölkəsinin xarici siyasət gündəmini və regional inkişafları dəyərləndirib.
Son həftələrdə İranda bəzi siyasətçilərin ölkə lideri Ayətullah Əli Xameneinin nüvə silahlarını qadağan edən fitvasının dəyişə biləcəyi ilə bağlı iddialarına toxunan Kənani deyib: "İranın nüvə doktrinasında heç bir dəyişiklik olmayıb. İran nüvə silahının istehsalını və istifadəsini fətvaya uyğun olaraq qadağan edib”.
Kenani bəyan edib ki, onlar kütləvi qırğın silahlarının beynəlxalq təhlükəsizliklə yanaşı, bəşəriyyətə də təhlükə yaratdığına inanırlar.
Mövsüm
Aznews.az