Rusiya: Donetskdə daha 2 yaşayış məntəqəsi nəzarətə götürülüb

Rusiya Müdafiə Nazirliyi ordunun Donetsk vilayətində Zelenovka və Novı Komar yaşayış məntəqələrini nəzarətə götürdüyünü bildirib.

Nazirlikdən verilən açıqlamada Rusiya Silahlı Qüvvələrinin Ukraynadakı fəaliyyəti ilə bağlı yenilənmiş məlumat paylaşılıb.

Açıqlamada Rusiya ordusunun cəbhədə irəlilədiyi bildirilib, “Şərq Hərbi Qrupunun birlikləri Donetsk Xalq Respublikasının Zelenovka və Novıy Komar qəsəbələrini azad edib”,- deyə məlumatda bildirilib.

Açıqlamada, Ukrayna ordusu müharibə başlayandan bəri 650 təyyarə, 283 helikopter, 38 mindən çox pilotsuz uçuş aparatı (PUA), 590 hava hücumundan müdafiə raket sistemi, 19 min 844 tank və zirehli texnika, 1502 çoxlüləli reaktiv yaylım atəşi sistemi, 19 min 822 haubitsa və minaatan, 29 min 326 xüsusi təyinatlı hərbi texnika məhv edilib.

Rusiya Müdafiə Nazirliyi dünən Donetsk vilayətində Trudovoye və Stariye Ternı qəsəbələrinin ələ keçirildiyini açıqlayıb.

Mövsüm

Aznews.az