Putinlə Misir prezidenti Əl-Sisi arasında telefon danışığı olub

Misir prezidenti Əbdülfəttah əs-Sisi rusiyalı həmkarı Vladimir Putinlə telefon danışığı aparıb.

Bu barədə Misir liderinin ofisindən məlumat verilib.

Qeyd olunur ki, dövlət başçıları birgə layihələrin həyata keçirilməsini və Yaxın Şərqdəki vəziyyəti müzakirə ediblər. Bundan əlavə, iqtisadi məsələlər və Ukrayna böhranı müzakirə edilib.

“Danışıqlar zamanı tərəflər Misir və Rusiya Federasiyası arasında əlaqələrin möhkəmləndirilməsi yollarını, xüsusən Süveyş kanalı sahillərində Rusiya sənaye zonası layihəsini, həmçinin Ed-Dabaa atom elektrik stansiyasının tikintisini müzakirə ediblər. ", - Misir prezidentinin rəsmi nümayəndəsi Məhəmməd əl-Şinavi öz Facebook səhifəsində yazıb.

Mövsüm

Aznews.az