Ərdoğan Putinə rus əsgərlərin terrorçularla çəkdirdiyi şəkili göstərdi- FOTO

Türkiyə prezidenti Rəcəb Tayyib Ərdoğan rus əsgərlərin YPG terrroçuları ilə birgə çəkdirdiyi fotoşəkillərini Vladimir Putinə təqdim edib.

AzNews.az xarici mətbuata istinadən xəbər verri ki, Ərdoğan Rusiyanın Soçi şəhərinə səfəri zamanı rusiyalı həmkarı Putinlə görüşündə belə bir addım atıb.

Ərdoğan fotoşəkillərin nə zaman və harada çəkildiyinə də dair Putini məlumatlandırıb. Onun sözlərinə görə, Putin rus əsgərlərinin belə bir addım atdığına inanmadığını və məsələnin araşdırılacağını qeyd edib.

“Fotoşəkilləri təqdim etdik. Tarixləri və yerin hara olduğunu da dedik. Məsələni izah etdik. Araşdıracağını dedi. Bundan sonrakı proses Putindən asılıdır” – deyə Ərdoğan qeyd edib.

Ərdoğan, həmçinin, qeyd edib ki, Putin kürd dövlətinin yaradılmasına da müsbət baxmır.

Bəxtiyar Abbasov

AzNews.az