Bakıda sürüşmə ehtimalı olan küçə və prospektlərə texniki duz səpilib - FOTO

Paytaxt Bakıda xüsusi təyinatlı texnika tərəfindən maili yerlərə, sürüşmə ehtimalı olan küçə və prospektlərə texniki duz səpilib.

Aznews.az xəbər verir ki, bu barədə Bakı Şəhər İcra Hakimiyyətindən məlumat verilib.

Bildirilib ki, axşam saatlarından etibarən qurumun kommunal strukturları gücləndirilmiş iş rejimində fəaliyyət göstərir.

Bununla əlaqədar müxtəlif ərazilərdə texniki duz toplanan məntəqələr yaradılıb.

Qeyd edək ki, ümumilikdə bu işlərə 100-ə yaxın xüsusi texnika və 2000-ə yaxın işçi qüvvəsi cəlb edilib.