Tramp Zelenskiyə məktub yazıb – Dəstək vəd edib

Onu sarsılmaz müttəfiq adlandırıb

ABŞ przidenti Donald Tramp Vladimir Zelenskinin Ukrayna prezidenti seçilməsi münaibəti ilə cari ilin mayın 29-da təbrik məktubu ünvanlayaraq ukraynalı həmkarına Birləşmiş Ştatlar tərəfindən sarsılmaz dəstək vəd edib.

AzNews.az bildirir ki, məktubu “Daily beast” nəşr edib.

Məktubda Tramp Zelenskini əmin edir ki, Vaşinqton və Kiyev “Avroatlantik ittifaqa inteqrasiya edən sabit, çiçəkləyən və demokratik Ukrayna yaratmaq üçün” birgə çalışan sarsılmaz müttəfiqdirlər.

“Sizin seçilməyiniz sübut etdi ki, keçmiş sovet regionunun hər bir ölkəsində demokratiya mümkündür. Ukraynanın uğuru yenidən canlanan despotizm üzərində demokratiyanın zəfərinin nümunəsidir”, - deyə Tramp yazıb.

Bundan savayı, amerikalı lider Zelenskini Ağ Evə dəvət edib.

Portal qeyd edir ki, məktubun dili Trampın administrasiyanın nümayəndələri ilə şəxsi söhbətlərində Ukrayna ilə bağlı dediyi nitqlərdən çox fərqlənir.

AzNews.az