- Dünyanın halı
- 18:41
- 1 239
Almaniya kansleri bir daha İsrailə silah göndərilməsini müdafiə edib
Almaniya kansleri Olaf Şolz Brüsseldə keçirilən Avropa İttifaqı (Aİ)-Körfəz Əməkdaşlıq Şurası (KƏŞ) Sammiti öncəsi jurnalistlərin suallarını cavablandırıb.
Şolz Yaxın Şərqdəki son hadisələri və İsrailə verdikləri dəstəyi müzakirə edəcəklərini bildirib .
Şolz daha sonra hökumətinin İsrailin Qəzzada törətdiyi qırğına baxmayaraq, İsrailə silah ixracını davam etdirmək qərarını müdafiə edib.
"Mənə aydındır ki, İsraili dəstəkləmək həm də o deməkdir ki, biz İsrailin müdafiə qabiliyyətini dəfələrlə, məsələn, hərbi material və ya silahla təmin etməliyik", - Almaniya kansleri deyib.
Şolz bildirib ki, İsrail HƏMAS-la mübarizə apararkən beynəlxalq qanunlara hörmət etməli, Qəzzaya humanitar yardımın çatdırılmasına icazə verməli və bölgədə daha da gərginliyə səbəb ola biləcək addımlardan qaçmalıdır.
Mövsüm
AzNews.az