Orban Ursula fon der Leyen və Veberi Macarıstan hökumətinə qarşı sui-qəsddə ittiham edir

Macarıstanın baş naziri Viktor Orban hesab edir ki, Brüsseldə onun hökumətini dəyişdirmək üçün sui-qəsd gedir.

Orbanın sözlərinə görə, əsas sui-qəsdçilər iki almandır: Avropa Komissiyasının sədri Ursula fon der Leyen və Avropa Xalq Partiyasının (EPP) lideri, Avropa Parlamentindəki ən böyük fraksiya rəhbəri Manfred Veber.

"Macarıstana qarşı Manfred Veber və prezident fon der Leyenin başçılıq etdiyi açıq sui-qəsd var. Onlar etiraf etdilər ki, onların məqsədi Macarıstan hökumətini indiki Polşa hökuməti kimi yeni "Javohl hökuməti" ilə əvəz etməkdir. Biz buna imkan verməyəcəyik! ”, - Orban X səhifəsində bildirib.

Macarıstanın baş naziri uzun müddətdir ki, fon der Leyen və Veberlə ölkəsindəki vəziyyət, onun siyasəti və Aİ-nin digər üzvləri ilə münasibətləri ilə bağlı qızğın müzakirələr aparır. Orban hesab edir ki, Avropa Komissiyasının sədri və EPP lideri onun hökumətini zəiflətməyə və Macarıstan müxalifətini açıq şəkildə dəstəkləməyə çalışır.

Mövsüm

AzNews.az