Şimali Koreya ordusu Rusiyada: Cənubi Koreya "bütün ssenarilərə" hazırdır

Cənubi Koreya prezidenti Yun Suk Yeol Şimali Koreya ilə Rusiya arasındakı əməkdaşlığı "qanunsuz" adlandırıb və "əks tədbirlər" üçün mümkün ssenariləri nəzərdən keçirəcəklərini bildirib.

Cənubi Koreya mediası xəbər verir ki, baş nazir Han Duk Su Cənubi Koreya prezidenti Yun Suk Yeolun bəyanatını parlamentdə oxuyub.

“Son beynəlxalq təhlükəsizlik vəziyyəti və Şimali Koreya ilə Rusiya arasında qeyri-qanuni hərbi əməkdaşlıq bizim milli təhlükəsizliyimiz üçün ciddi təhlükə yaradır”, - Yun deyib.

Bu əməkdaşlıq üçün "əks tədbirlər" hazırlamaq üçün bütün mümkün ssenariləri hərtərəfli nəzərdən keçirəcəklərini vurğulayan Yun, ABŞ və Yaponiyanın da iştirak etdiyi üçtərəfli təhlükəsizlik əməkdaşlığı sayəsində ölkənin Şimali Koreyanın nüvə təhdidlərinə qarşı çəkindirmə gücünü əhəmiyyətli dərəcədə gücləndirdiklərini qeyd edib.

Mövsüm

Aznews.az