Suriyadakı rejim ünsürləri silahlarını təhvil verməkdə davam edir

Suriyada 61 illik Baas rejiminin süqutundan sonra rejim əsgərlərinin və təhlükəsizlik bürokratiyasının silahlarını təhvil verməsi və müvəqqəti administrasiya tərəfindən yaradılan “tanıma və uzlaşma mərkəzləri”nə qeydiyyatdan keçmə praktikası davam edir.

Suriyanın paytaxtı Dəməşqin Mezze bölgəsindəki işə qəbul məntəqəsi yeni administrasiya tərəfindən yaradılmış barışıq və şəxsiyyət mərkəzi kimi istifadə edilir.

Çoxlu insan kampusun qarşısındakı dəmir qapıda növbə gözləyir. Növbəyə yazılanlar adları oxunduqdan sonra içəri buraxılırlar.

Mərkəzin girişində növbə gözləyənlər əllərində silah varsa, əvvəlcə onları kənara qoyub Bəşər Əsədin şəkli olan tablonun üzərinə ayaq basaraq binaya daxil olurlar.

İçəridə Suriyanın yeni administrasiyasının nümayəndələri insanların kimlik məlumatları, harada yaşadıqları və rejim dövründə tutduqları vəzifələrlə bağlı qeydlər aparırlar. Çıxış zamanı onlara verilən sənədlərlə birlikdə fotoşəkilləri çəkilir.

Bildirilir ki, qeydiyyatdan keçənlərə üç ay müddətinə yeni şəxsiyyət vəsiqəsi verilir ki, onlar ölkə daxilində təhlükəsiz səyahət edə bilsinlər.

Mövsüm

Aznews.az