Entoni Blinken: Biz Suriyada sülh yolu ilə siyasi keçidi dəstəkləyirik

Suriyada yeni dövr Qərb dünyası tərəfindən diqqətlə izlənilir.

ABŞ dövlət katibi Entoni Blinkenin Səudiyyə Ərəbistanı xarici işlər naziri Feysəl bin Ferhan Əl Səud ilə telefon danışığından sonra mövzu ilə bağlı açıqlama verilib.

ABŞ Dövlət Departamentinin sözçüsü Metyu Miller tərəfindən edilən yazılı açıqlamaya görə; Görüş zamanı Blinken ABŞ-nin Suriyada inklüziv və hesabatlı hökumətə doğru sülh yolu ilə siyasi keçidi dəstəklədiyini təsdiqləyib.

Blinken qeyd edib ki, bütün suriyalıların hüquq və əsas azadlıqlarına hörmətlə yanaşılması və Suriyanın terror bazası kimi istifadə edilməsinin qarşısının alınması beynəlxalq ictimaiyyətin ortaq məqsədidir.

Blinken həmçinin beynəlxalq ictimaiyyətin Suriya ərazisində humanitar yardım axınını asanlaşdırmalı olduğunu bildirib və Səudiyyə Ərəbistanı hökumətinə Suriya xalqına yardım etdiyinə görə təşəkkür edib.

Mövsüm

Aznews.az