Rutte: NATO Baltik dənizini qorumaq üçün Baltik Keşikçiləri missiyasına başlayır

NATO Baltik dənizinin təhlükəsizliyini təmin etmək üçün Baltik Keşikçiləri missiyasına başlayıb.

Bu barədə NATO-nun baş katibi Mark Rutte blokun region ölkələrinin liderləri ilə Helsinkidə keçirilən görüşdə bildirib.

"Friqatlar və dəniz patrul təyyarələri də daxil olmaqla, bir sıra aktivlər cəlb olunacaq və bu, Baltik dənizində sayıqlığımızı gücləndirəcək", - Associated Press (AP) onun sözlərindən sitat gətirib.

Rutte deyib ki, bura “inkişaf etmiş müşahidə və çəkindirmə” təmin etmək üçün kiçik dəniz pilotsuz uçuş aparatlarının (PUA) yerləşdirilməsi daxildir. O əlavə edib ki, qərar Baltikyanı ölkələrdə baş verən silsilə insidentlər fonunda qəbul edilib.

Mövsüm

Aznews.az