İsrail ordusu HƏMAS-ın Livandakı komandirini məhv etdiyini açıqlayıb

İsrail Hərbi Hava Qüvvələri Livanın cənubundakı Səidə bölgəsində Fələstin HƏMAS hərəkatının komandirini vurub.

Bu barədə İsrail Müdafiə Qüvvələri (IDF) məlumat yayıb.

" İsrail Müdafiə Qüvvələri və Baş Təhlükəsizlik Xidmətinin birgə əməliyyatı zamanı IAF təyyarələri Səidə bölgəsinə hücum edib və terrorçu Məhəmməd Şahini məhv edib", - Telegram kanalında yayılan bəyanatda deyilir.

İDF-nin məlumatına görə, öldürülən şəxs HƏMAS-ın Livandakı əməliyyat bölməsinə rəhbərlik edib və yəhudi dövlətinin ərazisinə hücumların planlaşdırılmasında iştirak edib.

Mövsüm

Aznews.az