- Dünyanın halı
- 2 Aprel 17:14
- 4 015
Aktyor Jan-Klod Van Damm-a qarşı Rumıniyada uşaq alveri ilə bağlı ittiham irəli sürülüb

Rumıniya 65 yaşlı Hollivud ulduzunun yetkinlik yaşına çatmayanlar da daxil olmaqla insan alveri şəbəkəsinin xidmətlərindən istifadə etdiyini iddia edərək, amerikalı aktyor Jan-Klod Van Damma qarşı ittiham irəli sürüb.
Bu barədə Rumıniyanın "Pro TV" telekanalı məlumat yayıb .
Zərər çəkdiyi iddia edilənlərdən birinin vəkili Adrian Kukulisin sözlərinə görə, işlə Rumıniya Prokurorluğunun Mütəşəkkil Cinayətkarlıq və Terrorizmlə Mübarizə Departamenti məşğul olur.
"Cinayət işi, uşaqlığımızın bütləri ilə beynəlxalq əlaqələri ortaya qoyur. Jan-Klod Van Damm eyni vaxtda həssas vəziyyətdə olan beş rumıniyalı qızın cinsi xidmətlərindən istifadə etməkdə ittiham olunur",-deyə vəkil bildirib.
Mövsüm
Aznews.az