Şimali Koreya Rusiyaya Xüsusi Təyinatlı Qüvvələr göndərdiyini təsdiqləyib

Koreya Xalq Demokratik Respublikası ( KXDR ) strateji tərəfdaşlıq sazişinə uyğun olaraq ordunun xüsusi təyinatlı qüvvələrinin Rusiya Federasiyası ərazisinə göndərilməsini rəsmən təsdiqləyib.

Bu barədə KXDR Mərkəzi Xəbər Agentliyi ( KCNA ) məlumat yayıb .

“[KXDR sədri] Kim Çen In hazırkı vəziyyətin KXDR və Rusiya Federasiyası arasında Hərtərəfli Strateji Tərəfdaşlıq haqqında Müqavilənin 4-cü maddəsinin aktivləşməsinə uyğun gəldiyini əsas gətirən belə bir təhlil və mülahizə əsasında ordumuzu döyüş əməliyyatlarında iştirak etmək üçün xüsusi təyinatlı qüvvələrin göndərilməsi barədə qərar qəbul edib və bu barədə Rusiya tərəfini məlumatlandırıb”.

Bundan əlavə, agentlik Koreya tərəfinin “Rusiya ordusunun və xalqının müqəddəs işini” dəstəkləməyə davam edəcəyini vurğulayıb. KCNA-nın məlumatına görə, Kim Çen Inın vədinə uyğun olaraq, yaxın vaxtlarda Pxenyanda həlak olan əsgərlərin xatirəsini yad etmək üçün hərbi şöhrət abidəsi ucaldılacaq.

Mövsüm

Aznews.az