“Yeni qanun uşaqların internetdən istifadəsində faydalı olacaq” - Ekspert

“Bu çox vacib, həm də bir az gecikmiş bir qanundur”.

Təhsil eksperti Məlahət Mürşüdlü deyir ki, uşaqların internetdən istifadəsinə nəzarət məktəblərdə daha yaxşı tənzimlənir

Milli Məclis “Uşaqların zərərli informasiyadan qorunması haqqında” yeni hazırlanmış qanun layihəsi qəbul edilib.

Təhsil eksperti Məlahət Mürşüdlü Sputnik Azərbaycan-a deyir ki, bu çox vacib, həm də bir az gecikmiş bir qanundur: “Nəzarətsiz mühitdə sosial şəbəkələrdən və internetdən əldə edilən informasiyalar uşaqların mənəvi-psixoloji durumuna mənfi təsir göstərir. Biz uşaqların hansı informasiyaları əldə etdiyini bilmirik. Burada valideynin üzərinə böyük məsuliyyət düşür. Digər yerlərlə müqayisədə uşaqların internetdən istifadəsinə nəzarət məktəblərdə daha yaxşı tənzimlənir. Düşünürəm ki, qanun gənc nəslin, uşaqların internetdən doğru şəkildə istifadəsinə yararlı olacaqdır”.

© AzNews.az