Aİ ilə Britaniya arasında ticarət razılaşması əldə edildi

Bu barədə tərəflər arasında razılaşma əldə edilib

Avropa İttifaqı (Aİ) ilə Böyük Britaniya arasında “Brexit”lə bağlı keçid dövrü başa çatandan sonra Şimali İrlandiya ilə Birləşmiş Krallığın qalan hissəsi arasında ötürüləcək malların 98 faizi rüsumsuz daşınacaq.

AzNews.az RTE-yə istinadən xəbər verir ki, bu barədə tərəflər arasında razılaşma əldə edilib.

Belə ki, Aİ ilə Böyük Britaniya sərbəst ticarət sazişinə dair danışıqlarda nəticə əldə edə bilməsələr, sözügedən razılaşma 2021-ci il yanvarın 1-dən qüvvəyə minəcək. O cümlədən Şimali İrlandiyaya göndərilən ərzaq və kənd məhsulları üçün azı üç ay ərzində tibbi şəhadətnamə tərtib olunmayacaq. Bununla belə Aİ bu qaydaya qane olmasa, onu birtərəfli şəkildə dayandıra bilər.

Bundan əvvəl İrlandiya Respublikası hökuməti keçid dövrü başa çatandan sonra ərzaq məhsulları tədarükünün kəsilə biləcəyindən narahatlıq ifadə etmişdi. Belə ki, Aİ ilə BK arasında ticarət sazişi imzalanmasa, Şimali İrlandiyaya göndəriləcək mallar Aİ qaydalarına uyğun nəzarət olunacaqdı. Çünki “Brexit” sazişinin bir hissəsi olan Şimali İrlandiya protokoluna görə, həmin bölgə Aİ-nin vahid bazarının bir hissəsi olaraq qalır.