Tramp Baydeni Çindən maliyyə almaqda ittiham edib

ABŞ-nin keçmiş prezidenti və qarşıdan gələn prezident seçkilərinə namizəd Donald Tramp Atlantada (Gürcüstan) CNN studiyasında seçkiqabağı debat zamanı rəqibi, hazırkı dövlət başçısı Co Baydeni Çindən pul almaqda ittiham edib.

“Bu adamın rəhbərliyi altında indi ölkəmizin tarixində ən böyük [ticarət] kəsirimiz var. Çin ona pul verir. O, Mançuriya namizədidir. O, Çindən pul alır”, - Tramp bildirib.

Mançuriya namizədi ( ing. The Mancurian Candidate ) — 1962-ci ildə çəkilmiş Soyuq Müharibə filmi, baş rollarda Frank Sinatra və Laurens Harvidir. Film Çin tərəfinin hipnoz vasitəsilə idarə etdiyi amerikalı hərbçinin hekayəsindən bəhs edir. Son illər filmin adı ingilis dilində məişət sözünə çevrilib və xarici dövlətin və ya digər xarici qüvvələrin təsirinin sui-qəsd agentlərinə istinad etmək üçün istifadə olunur.

Mövsüm

Aznews.az