Donald Tramp: Seçkidə uduzsam, saxtakarlıq olacaq

Amerikada seçkilərə saatlar qaldığı üçün prezidentliyə namizəd Donald Trampdan yeni açıqlamalar gəlib.

“New York Times” (NYT) qəzetinin məlumatına görə, Tramp yelləncək ştatlarından biri olan Pensilvaniyada keçirdiyi seçki mitinqində çıxış edib.

Tramp 2020-ci ildə rəqibi ABŞ prezidenti Co Baydenə uduzduğu prezident seçkilərində “qalib gəldiyini” iddia etdi və bu müddət ərzində “Ağ Evi tərk etməməli olduğunu ” bildirdi.

Prezident olduğu dövrdə ölkədə sərhəd təhlükəsizliyinin ən yüksək səviyyədə olduğunu vurğulayan Tramp, “Vəzifəni tərk etməməliydim, çox yaxşı işlər gördük” dedi.

Tramp rəqibindən geri qaldığını göstərən bəzi seçki anketlərinin etibarlılığına inanmadığını bildirib və noyabrın 5-də keçiriləcək prezident seçkilərində uduzacağı təqdirdə demokratların “ hiylə etməsi”nin yeganə ağlabatan izahat olacağını bildirib.

Mövsüm

Aznews.az