Fransa Aİ ilə Çin arasında ticarət müharibəsi təhlükəsi elan edib

Avropa Parlamentinin (AP) Fransadan olan bir qrup üzvü, Brüsselin Çindən gələn elektrik avtomobillərinə tariflər tətbiq etməsinə Pekinin mümkün cavab tədbirləri ilə əlaqədar Avropa İttifaqı (Aİ) və Çin arasında ticarət müharibəsi təhlükəsi barədə məlumat verib.

Bu barədə Avropa Parlamentinin deputatlarının Avropa Komissiyasına (AK) müraciətində deyilir.

Deputatlar xatırladıblar ki, oktyabrın 29-da AK Pekindən böyük subsidiyalar alan Çin istehsalçıları ilə normal rəqabəti bərpa etmək üçün Çindən gətirilən elektrik avtomobillərinə tarifləri 35%-ə qədər artıran qətnamə qəbul edib.

“Bu elan Çin hökumətinin narazılığına səbəb oldu və o, Aİ kənd təsərrüfatı məhsulları, o cümlədən konyak üçün mümkün tarifləri elan etdi. Konyak sektoru istehsalının 97%-ni ixrac edir, bunun 31%-i Çin bazarına gedir. Bu o deməkdir ki, sənaye Aİ və Çin arasında ticarət müharibəsinin qurbanı olmaq riski altındadır”, - deputatlar bildiriblər.

Mövsüm

Aznews.az