Xorvatiyada məktəbə bıçaqlı hücum nəticəsində 1 şagird ölüb, 6 nəfər yaralanıb

Xorvatiyanın paytaxtı Zaqrebdə ibtidai məktəbə bıçaqlı hücum nəticəsində 1 şagird ölüb, 1 müəllim və 5 şagird yaralanıb.

Zaqreb polisindən verilən açıqlamada, səhər saatlarında paytaxtdakı Precko İbtidai məktəbində naməlum şəxsin bıçaqla müəllim və şagirdlərə hücum etdiyi bildirilib.

Səhiyyə naziri İrena Hrstic jurnalistlərə bildirib ki, hücum nəticəsində 7 yaşlı şagird hadisə yerində ölüb, 1 müəllim və 5 şagird isə yaralanıb.

Yaralıların xəstəxanalara göndərildiyini deyən Hrstic tələbələrin xəsarətlərinin həyati təhlükəsinin olmadığını bildirib.

Zaqrebdəki Sveti Duh klinikasından verilən açıqlamada xəsarət alan müəllimin vəziyyətinin ağır olduğu bildirilib.

Əlindəki kəsici alətlə özünə zərər verdiyi öyrənilən təcavüzkarın polis nəzarətində olduğu açıqlanıb.

Baş nazir Andrey Plenkoviç də səhər saatlarında baş verən faciədən dərin kədərləndiklərini bildirib.

Plenkoviç, "Yaralıların Zaqrebdəki xəstəxanalarda müalicə altına alındığını bilirik. Ailələrə başsağlığı verir və tezliklə sağalmalarını arzu edirik. Müvafiq nazirlərimiz hadisəni yaxından izləyəcək",- deyə qeyd edib.

Mövsüm

Aznews.az