ABŞ Maliyyə Naziri hökumət büdcəsinin bağlanması barədə xəbərdarlıq edib

ABŞ Maliyyə Naziri Scott Bessent deyib ki, bu həftənin sonuna qədər ABŞ hökuməti büdcəsinin mümkün bağlanması Birləşmiş Ştatlara "inanılmaz dərəcədə pozucu" təsir göstərə və ölkə iqtisadiyyatına zərər verə bilər.

CNBC-yə verdiyi müsahibədə Bessent ABŞ üçün mümkün bağlanmanın nəticələrinin ciddiliyini vurğulayıb.

O qeyd edib ki, hökumətin fəaliyyətinin dayandırılması ölkədə iqtisadi vəziyyətə mənfi təsir göstərəcək.

Konqres lazımi maliyyə qanun layihəsini qəbul edə bilməsə, ABŞ hökumətinin şənbə günündən etibarən fəaliyyətini qismən bağlaya bilməsi riski var. ABŞ Konqresinin Nümayəndələr Palatası artıq sentyabrın 30-dək hökumətin maliyyələşdirilməsi ilə bağlı qanun layihəsini təsdiqləyib. Lakin Senatda keçmək üçün onun 100 senatordan 60-nın dəstəyi lazımdır. Respublikaçıların 53 səsə malik olduğunu nəzərə alsaq, bu rəqəm əleyhinə səs vermək niyyətini açıq şəkildə bildirən demokratların dəstəyi olmadan kifayət etməyəcək.

Mövsüm

Aznews.az