Von der Leyen 2030-cu ilə qədər Aİ-ni yenidən silahlandırmaq planlarından danışıb

Avropa 2030-cu ilə qədər güclü müdafiəyə malik olmalıdır ki, bu da yenidən silahlanma və etibarlı çəkindirmə imkanlarının inkişafını tələb edir. Xüsusilə, bu, hava hücumundan müdafiə və raket əleyhinə müdafiə sistemlərinin, eləcə də bütün müasir tipli pilotsuz uçuş aparatlarının və anti-dron sistemlərinin istehsalına investisiyaların artırılmasını tələb edir.

Bu barədə Danimarka Kral Hərbi Akademiyasında çıxış edən Avropa Komissiyasının (AK) rəhbəri Ursula fon der Leyen məlumat verib.

AK rəhbəri həmçinin infrastruktur və hərbi mobillik kimi prioritet sahələrdə boşluqların aradan qaldırılmasının vacibliyini vurğulayıb. Onun sözlərinə görə, Aİ qoşun və texnikanın sürətlə çatdırılması üçün 2030-cu ilə qədər yollar, limanlar və hava limanları şəbəkəsini yerləşdirməlidir.

“2030-cu ilə qədər biz qoşunların və hərbi texnikanın sürətli daşınmasını asanlaşdıran quru dəhlizləri, hava limanları və dəniz limanlarından ibarət Aİ miqyasında fəaliyyət göstərən şəbəkəyə malik olmalıyıq. Eyni zamanda, biz hava və raket əleyhinə müdafiə, artilleriya sistemləri, döyüş sursatı və raketlərə sərmayə qoymalıyıq”, - AK mətbuat xidməti onun rəsmi saytında onun sözlərini sitat gətirir.

Mövsüm

Aznews.az