Aİ 36 min gəncə Avropaya səyahət etmək üçün pulsuz qatar bileti verəcək

Avropa İttifaqı (Aİ) Komissiyası Erasmus+ proqramı ilə əlaqəli ölkələrdə yaşayan 18 və daha yuxarı yaşda olan gənclərə Avropa ölkələrinə 36 min pulsuz qatar bileti paylayacaq.

Aİ Komissiyasından edilən yazılı açıqlamada "DiscoverEU" adlı proqram çərçivəsində gənclərə 36 min səyahət kartı veriləcəyi açıqlanıb.

Açıqlamada, müraciətlərin bu gün başladığı və müvəffəqiyyət qazananların 1 iyul 2025-ci il və 30 sentyabr 2026-cı il tarixləri arasında 30 gün ərzində qatarla Avropanı gəzə biləcəkləri bildirilib.

Açıqlamada tələblərin 1 iyul 2006-cı il - 30 iyun 2007-ci il tarixləri arasında doğulmuş olmaları və Aİ ölkələrində və Erasmus+ proqramı ilə əlaqəli İslandiya, Lixtenşteyn, Şimali Makedoniya, Norveç, Serbiya və Türkiyə kimi ölkələrdə yaşamaq olduğu bildirilib.

Aİ tərəfindən 2018-ci ildə başladılan və 2021-2027-ci illər arasında həyata keçirilən təhsil, gənclik və idman sahələrini əhatə edən qrant proqramı Erasmus+ çərçivəsində “DiscoverEU” indiyədək 355 mindən çox səyahət kartı təqdim edib.

Mövsüm

Aznews.az