Gülər Əhmədova yenə YAP-ın tədbirinə dəvət olunmadı
12 Noyabr 2012 11:20 (UTC+04:00)
Yeni Azərbaycan Partiyasının 20 illiyi münasibətilə partiyanın Yasamal rayon təşkilatı geniş tədbir təşkil edib. AzNews.az-ın məlumatına görə, tədbirdə YAP Yasamal rayon təşkilatının sədri Fikrət İsmayılov, partiyanın üzvləri, Bakı Metropoliteninin sədri Tağı Əhmədov, Yasamal rayon icra başçısı İbrahim Mehdiyev, millət vəkili Abel Məhərrəmov və digər şəxslər iştirak ediblər.
Tədbirdə çıxış edən Tağı Əhmədov Heydər Əliyevin 1993-cü il Bakıya gəlişindən danışıb. O bildirib ki, H.Əliyevin Bakıya gəlişinə əngəl olanlar sonralar əqidələrini dəyişdilər: "Əvvəlcə Heydər Əliyevə qarşı çıxanlar sonradan öz əqidələrini dəyişərək, onun tərəfinə keçdilər. Misal üçün Dövlət Gömrük Komitəsinin sabiq sədri Tahir Əliyevi göstərə bilərəm".
İclasda Tağı Əhmədov mükafatlandırılıb.
Qeyd edək ki, Sabiq millət vəkili Gülər Əhmədova tədbirə dəvət edilməyib.
Vasif Həsənli
AzNews.az