Qondarma Dağlıq Qarabağ rejiminin ləğvi bu gün dünya mətbuatının ən mühüm gündəm mövzularından biridir. AFP xəbər agentliyi elanın dünyanın ən uzun “dondurulmuş münaqişələrindən” birinə pərdəni çəkdiyini yazsa da, Britaniyanın “Economist” jurnalı Türkiyənin Qafqazda yüksəlişinə diqqət çəkərək Azərbaycanı hədəfə alıb.
Azərbaycanın Qarabağ bölgəsində başlatdığı antiterror tədbirləri 24 saatdan da az vaxt ərzində başa çatıb.
Bakının qələbəsindən sonra ermənilər silahlarını yerə qoyub təslim oldular, 32 il əvvəl Azərbaycandan birtərəfli qaydada müstəqilliyini qeyri-qanuni elan etmiş qondarma Dağlıq Qarabağ rejimi isə özünü ləğv etməli oldu. Qondarma Ermənistan administrasiyasının prezidenti Şahramanyan bəyan etdi ki, 2024-cü il yanvarın 1-dən bölgədə strukturun mövcudluğu dayandırılacaq.
“DÜNYANIN ƏN UZUN DONDURULAN MÜQİQƏSƏLƏRİNDƏN BİRİNƏ PƏRDƏ ÇƏKİLİB”
AFP Xəbər agentliyi yazır ki, Şahramanyanın açıqlaması dünyanın ən uzun “dondurulmuş münaqişələrindən” birinə pərdəni çəkib. Vaşinqtondakı ardıcıl administrasiyaların və Avropa liderlərinin bitib-tükənməyən danışıqlarının problemi həll edə bilməyəcəyini vurğulayan AFP Bakının qələbəsinin İrəvanda qəzəbi artırdığını, baş nazir Nikol Paşinyan isə Azərbaycanı “etnik təmizləmə”də ittiham etdiyini vurğulayıb.
ALÇATMAQ ÜÇÜN “TÜRKLƏR” SÖZÜNDƏN İSTİFADƏ EDİRLƏR
1991-ci ildə Sovet İttifaqının dağılmasından sonra Dağlıq Qarabağın Azərbaycanın bir hissəsi kimi rəsmən tanındığını və hətta Ermənistanın Dağlıq Qarabağ rejiminin müstəqillik iddiasını dəstəkləmədiyini deyən AFP bölgədəki gərginliyin 1920-ci illərə qədər uzandığına diqqət çəkib və ermənilərin azərbaycanlıları təhqir etmək üçün “türk” sözündən istifadə etdiyini qeyd edib.
TÜRK SİLAHLARI AZƏRBAYCAN ORDUSUNU GÜCLƏNDİRDİ
AFP həmçinin qeyd edib ki, türk pilotsuz təyyarələri və silahları 2020-ci ildə altı həftəlik müharibə zamanı Azərbaycanın ordusunu böyük gücə çevirib.
DÜNYA QƏZETLƏRİ NƏLƏR YAZIB?
ABŞ-nin ən böyük media qurumlarından biri olan CNN Azərbaycanın Qarabağ məsələsində mövqeyinin uzun müddətdir ki, çox aydın olduğunu bildirərkən, "Aljazeera" “Ermənistan-Azərbaycan, Dağlıq Qarabağ münaqişəsi nəhayət ki, bitdimi?” sualını verib.
Britaniyanın “Guardian” qəzeti separatçı rejimin 30 ildən artıq müddətdən sonra özünü ləğv edəcəyini açıqladığını və əksər etnik ermənilərin bölgəni tərk edəcəyinin gözlənildiyini yazıb.
"THE ECONOMİST" İSƏ TƏCCÜBLƏNDİRMƏDİ:AZƏRBAYCANI HƏDƏF ALDI
Britaniyanın “Economist” jurnalı Azərbaycanı hədəf alan məqaləsində Dağlıq Qarabağdakı vəziyyəti “humanitar fəlakət” kimi qiymətləndirib.
Rusiyanın Qafqazda təsirinin azalması ilə Azərbaycanın müttəfiqi Türkiyənin daha da gücləndiyinə diqqət çəkən jurnal: “Azərbaycanın erməni azlığının vətəndaş hüquqlarını təmin edən Qərbin dəstəklədiyi razılaşmaya nail olmaq əvəzinə regiona hücum etmək seçimi etnik təmizləmədən günahkar olduğu mənası verir",-deyə qeyd edib.
Mövsüm Şahsuvar
Aznews.az