Naməlum şəxslər Varşavada Nozik sinaqoqunu molotov kokteyli ilə yandırmağa cəhd ediblər, lakin xəsarət alan olmayıb.
Bu barədə “La Libre” qəzeti məlumat yayıb .
Nəşrin dərc etdiyi fotodan belə görünür ki, yanar qarışığı olan kokteyl binanın divarına çırpılıb.
Sinaqoqa hücum barədə məlumatı X sosial şəbəkəsində (keçmiş Twitter) xarici işlər naziri Radoslav Sikorski təsdiqləyib.
“Mən Varşavada Nozik sinaqoquna edilən biabırçı hücumu pisləyirəm. Polşada antisemitizmə yer yoxdur!” – Polşa prezidenti Anjey Duda qeyd edib.
Mövsüm
Aznews.az