Almaniya Fələstini “simvolik olaraq” tanımaq niyyətində deyil və bunun əvəzinə Yaxın Şərqdəki münaqişənin siyasi həllinə ehtiyac olduğuna inanır.
Bunu Almaniyanın xarici işlər naziri Annalena Burbok deyib.
Bu barədə o, Fransa və Polşadan olan həmkarları Stefan Sejournet və Radoslav Sikorski ilə Almaniyanın Veymar şəhərində görüşdən sonra birgə mətbuat konfransında bildirib. Yayım Almaniya Xarici İşlər Nazirliyinin X sosial şəbəkəsindəki səhifəsində həyata keçirilib.
“Əgər bu anda [Fələstinin] tanınması sülh gətirsəydi, məncə, Yer kürəsində heç bir siyasətçi, heç bir insan tərəddüd etməzdi. Amma mən bu altı ay ərzində dəfələrlə demişəm ki, indi yaşadığımız bu dəhşətli vəziyyəti həll etmək üçün bizə simvolik tanınma yox, siyasi həll lazımdır”, - Burbok bildirib.
Mövsüm
Aznews.az